விஜய்:
தமிழ் சினிமாவில் உச்ச நடிகராக வலம் வருபவர் தான் விஜய். இவருக்கு கோலிவுட்டை தாண்டி மோலிவுட், டோலிவுட்டிலும் தனி ரசிகர் கூட்டம் இருக்கிறது . கடைசியாக விஜய் நடிப்பில் வெளிவந்த பீஸ்ட் மற்றும் லியோ போன்ற திரைப்படங்கள் வசூல் ரீதியாக வெற்றி பெற்றாலும், படங்களுக்கு கலவையான விமர்சனமே கிடைத்தது.
இதனை அடுத்து விஜய் நடிப்பில் வெளிவந்த கோட் திரைப்படம் பெரிய எதிர்பார்ப்புக்கு மத்தியில் வெளியானது. ஆனால் அந்தப் படம் ஓரளவுதான் வரவேற்பை பெற்றது. முக்கியமாக ஸ்க்ரீன் ப்ளேவை தொய்வில்லாமல் கொண்டு செல்லும் இயக்குனர் வெங்கட் பிரபு கோட் படத்தில் சொதப்பிவிட்டார் என்று சமூக வலைத்தளங்களில் கருத்துக்கள் எழுந்தது.
தற்போது இவர் அரசியலில் முழு கவனம் செலுத்த இருப்பதால் தளபதி 69 திரைப்படம் தான் அவரது கடைசி படமாக இருக்கும் என்று சொல்லப்படுகிறது. தளபதி 69 படத்தை பிரபல இயக்குனர் ஹெச் வினோத் இயக்குகிறார். அரசியல் கதை அம்சத்தில் உருவாகும் இப்படத்தில் பாபி தீயால், பூஜா ஹெக்டே எனப் பல பிரபலங்கள் இணைந்துள்ளனர்.
ஹெச் வினோத்:
தற்போது தமிழ் சினிமாவில் பிரபல இயக்குனர்களில் ஒருவராக இருக்கிறார் ஹெச் வினோத். தீரன் அதிகாரம் ஒன்று, சதுரங்க வேட்டை உள்ளிட்ட படங்கள் மூலம் தனது திறமையை வெளிப்படுத்தினர். அஜித்தை வைத்து இயக்கிய வலிமை மற்றும் துணிவு போன்ற படஙக்ள் வசூல ரீதியாக வெற்றி பெற்றாலும், ரசிகர்கள் கலவையான விமர்சனமே கொடுத்தனர். ஹெச் வினோத் விஜய்யை வைத்து நிச்சயம் வெற்றி படம் கொடுப்பார் என்று ரசிகர்களால் நம்பபடுகிறது.
இந்நிலையில பிரேமலு படத்தின் படத்தின் மூலம் தென்னிந்திய ரசிகர்கள் மத்தியில் பிரபலமான மமிதா பைஜு தளபதி 69 படத்தில் முக்கியமான ரோலில் நடிக்கவிருப்பதாக கூறப்படுகிறது. ஆனால் இது தொடர்பாக அதிகாரப்பூர்வ அறிவிப்பு இன்னும் வெளியாகவில்லை. இதற்கு முன்பு இவர் தமிழில் நடித்த ரிபல் திரைப்படம் நல்ல வரவேற்பை பெறாத நிலையில், தளபதி 69 திரைப்படம் மமிதா பைஜுவுக்கு வெற்றிபடமாக இருக்கும் என்று கூறப்படுகிறது.
விஜய் தனது அரசியலில் முழு கவனம் செலுத்த உள்ளதால் தளபதி 69 படத்தை விரைவில் முடித்துவிட்டு தமிழ்நாடு முழுவதும் அவர் சுற்றுப்பயணம் மேற்கொள்ளவிருப்பதாக தகவல் வெளியாகி இருக்கிறது. அதனால் படத்தை சீக்கிரம் முடிக்குமாறு ஹெச் வினோதிடம் கூறியதாக சினிமா வட்டாரங்களில் பேசப்படுகிறது.
