உள்ளத்தை அள்ளித்தா
1996-ஆம் ஆண்டு வெளியான உள்ளத்தை அள்ளித்தா திரைப்படம் தமிழ் சினிமாவில் ஒரு மறக்க முடியாத வெற்றியைப் பதிவு செய்தது. இயக்குநர் சுந்தர்.சி-யின் இயக்கத்தில், நடிகர் கார்த்திக் மற்றும் நடிகை ரம்பாவின் நடிப்பில் உருவான இந்தப் படம், ரசிகர்களின் உள்ளங்களை வென்றது.
இந்நிலையில், அண்மையில் ஒரு நேர்காணலில் நடிகை ரம்பா, இந்தப் படத்தின் வெற்றி குறித்து தனது அனுபவங்களை உற்சாகமாகப் பகிர்ந்து கொண்டார். உள்ளத்தை அள்ளித்தாபடம் ரிலீஸ் ஆகும்போது எங்களுக்கு ஒரு பயம்தான் இருந்தது. முதல் ஒரு வாரம் சுமாராதான் போச்சு. ஆனா, ஒரு வாரத்துக்கு அப்புறம் படம் பிக்கப் ஆனது. தியேட்டர்ல கூட்டம் கூட்டமா வந்து நின்னாங்க. சென்னை சாலிகிராமத்துல உள்ள தியேட்டருக்கு போனப்போ, பெரிய பேனர்ஸ், கார்த்திக் சார் படம்னு ஒரே கொண்டாட்டம். என் வாழ்க்கையில மறக்க முடியாத தருணம் அது.
உள்ளத்தை அள்ளித்தா படத்தில் உள்ள பிரபலமான “அழகு” அந்தப் பாட்டு ஷூட்டிங்கின்போது, நான் அணிஞ்சிருந்த கவுன் ஒரு இடத்துல கிழிஞ்சு போச்சு. ஆனா, யாருமே அதைக் கவனிக்கல. படம் ரிலீஸ் ஆனப்புறம், ரசிகர்கள் அதை டீகோட் பண்ணி பேச ஆரம்பிச்சாங்க. இப்போ ரீ-ரிலீஸ் பண்ணினா, இந்தக் கிழிஞ்ச கவுனை மாத்திடணும்னு சுந்தர் சார் சொல்லிருக்காரு.
நான் முதலில் தெலுங்குல நடிச்சிட்டு இருந்தேன். ஆனா, இந்தப் படம் ரிலீஸ் ஆனப்புறம், தமிழ்ல எல்லாரும் ‘ரம்பா, ரம்பா’னு கூப்பிட ஆரம்பிச்சாங்க. இந்தப் படத்தோட கேரக்டர் எனக்கு ரொம்ப ஜாலியா இருந்தது. ரஹ்மான் சார் மியூசிக், கார்த்திக் சார் நடிப்பு, சுந்தர் சார் டைரக்ஷன்—எல்லாமே சூப்பரா அமைஞ்சது.
படத்தின் வெற்றிக்கு ரசிகர்களின் அன்புதான் முக்கிய காரணம். ஏர்போர்ட்ல இறங்கினப்போ, ஒரு கூட்டமா வந்து நின்னாங்க. முதல்ல நினைச்சேன், யாரோ பெரிய ஹீரோ வந்திருப்பாங்கனு. ஆனா, அவங்க எல்லாம் எனக்காக வந்திருந்தாங்க. உள்ளத்தை அள்ளித்தா சூப்பர் ஹிட்’னு சொன்னாங்க. அந்த மொமண்ட் என் லைஃப்ல மறக்கவே முடியாது.
ரீ-ரிலீஸ்
இந்தப் படம் இப்போ ரீ-ரிலீஸ் ஆனா, புது ஜெனரேஷனும் இதை செம்மையா என்ஜாய் பண்ணுவாங்க. அந்தக் காலத்து ஜாலி, ரஹ்மான் சார் மியூசிக், எல்லாமே இப்போவும் வேலை செய்யும் என்று ரம்பா கூறியுள்ளார்.
